മലയാളികള്‍ക്ക് അത്രയേറെ പ്രിയപ്പെട്ട് കുടുംബമാണ് പേളിയുടേത്. പേളിയേപ്പോലെ തന്നെ പ്രിയപ്പെട്ടതാണ് ആരാധകര്‍ക്ക് ശ്രീനിഷും മക്കളും. താരത്തിന്റെ ഓരോ വിശേഷങ്ങളും സ്വന്തം വീട്ടിലേതെന്നപോലെയാണ് ആരാധകര്‍ ഏറ്റെടുക്കാറുള്ളത്.
തന്റെ ഓരോ വിശേഷങ്ങളും ആരാധകരുമായി പങ്കുവക്കാറുണ്ട് പേളി. ഇരുവരുടേയും പ്രണയം ബിഗ് ബോസില്‍ വച്ചാണ് മൊട്ടിട്ടത്. തുടക്കത്തില്‍ പലരും ഇവരുടെ പ്രണയം മത്സരത്തില്‍ വിജയിക്കാനുള്ള സ്ട്രാറ്റജിയായാണെന്നാണ് കരുതിയിരുന്നത്. എന്നാല്‍ വെറും ഗെയിമിന് വേണ്ടിയുള്ള പ്രണയമല്ലായിരുന്നെന്ന് ഇരുവരും തെളിയിച്ചു. ഇന്ന് ഇരുവരുടേയും പ്രണയവും സ്‌നേഹവുമെല്ലാം മാതൃകയാക്കാനാണ് ആരാധകര്‍ പറയാറുള്ളത്.
